الرئيسيةالمجلةاليوميةس .و .جبحـثالأعضاءالتسجيلدخول

شاطر | .
 

 خواطر شعر / حب + غزل + عتب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
alomiri


مدير عام المنتدى
عدد المساهمات : 457
نقاط : 6517
السٌّمعَة : 0
تاريخ التسجيل : 15/07/2011
العمر : 45
الموقع : http://www.anwarbaghdad.com

http://www.anwarbghdad.com
مُساهمةموضوع: خواطر شعر / حب + غزل + عتب   الخميس أغسطس 08, 2013 4:48 am

ما اريد نعود ونرجع احباب
بيه جروح منك حيل تاذيني
لاترجع الية ولاتصيح اهواك
متهمني بعد شخصك ميعنيني
خليتك بكلبي وعايش ويه الروح
بس انت الدمع يحلالك بعيني
عيني ماغفت سهران افكر بيك
وحضرتك للصبح نايم وناسيني


يكلبي انسه التحبه وادري صعبه اعليك.
بس للما يحبك لا تطخ هامك
. وخلي العزه ثوبك والكرامه احزام.
واصعد عالمصاعب ثبت اجدامك
. ولا تذرف ادموعك عالغدر وياك.
... ... المهم باسم الوفاء اترفرف اعلامك.
حب كلمن يحبك واليود ملكاك
. وضل عايش اوياهم حتى بحلامك
. وافدي الروح لجل الي يضحي الروح.
وسومه برخص كلمن بالرخص سامك.
ولا تعاشر احجار وانته جسمك جام.
بس اتغثه راح ايكسر بجامك


اعد بيدي اخوتي شو قليلين
واحسب بالنجوم اعدائي وكثر
هيج انه غريب الطور ضليت
لو هي المصالح تغلب المعشر
لو هذا الزمان الزين مكروه
وبس لهل الردية الوكت عمر
ما اكَدر اغير طبعي هيهات
خل ابقى وحيد احسلي واستر


لا لتلوم كلبك خله ينساهم
وانسه الذكريات الجانت وياهم
ودوس على الكلب لو فززك بالشوك
ولتمر بالدروب البيها ممشاهم
صح حلوين همه و حلو ملكاهم
تالي تغيروا ذبحوا محبة سنين
شافوا طير ثاني بغصن ناداهم
لا لتلوم كلبك خله ينساهم ....


ﻋﺎﺷﺖ ﺍﻳﺪﻙ ﻉ ﺍﻟﺠﺮﺡ ﻛﻠﺶ ﺟﺒﻴـــﺮ ...
بيــــه ﻣﺴﺎﻓﺔ ﻭﺩﻗـــﺔ ﻭﺍﺑﻌـــﺎﺩ ﻭﻋﻠــﻮ ...
ﻋﻔﻴﺔ ﺍﻋﻠﻴﻚ ﻃﺎﻟﻊ ﻓﺪ ﺷـــﻲ ﺟﺪﻳــﺪ ...
ﻣﺎﻛﻮ ﺷﺎﻣﺖ ﻣﺎ ﺻﺮﺥ ﺟﺮررﺣﻚ ﺣﻠـووو ...


مرات الخجل باخذني حيل وياك..
اريد اطلب وحس بلساني لازمني..
واحس مرات اشوفك واكعد وياك..
واحس مرات ترجع مني تاخذني ..
يمعود دخيلك اني هم انسان..
ونار التحركك هم هيه تحركني..
دليني عليك وروحي ليك اتريد..
.اشبع بيك.منك ليش حارمني


ريد اكتب كـلام وبيــــه اوصفـــك زين
واتغـــزل اريــــــد بنـــظـــرة عيــــونــك
واكتب كل شعر بي نطقت العـــشاك
واعـــوف المفـــردات التنكتــــب دونك
واسـرح بالخيـــال بلـآأآ عقــــــل ويـاك
خلينـــي اهـــيـــم واقـــره مضــمونــك
حبيبـــي انت واعــز من ماي العيــون
قليلــة الروح كــون افـــديــها لـعيونــك


دخليني ابصــــفنتي شبيك ياعيد
توني اســــتوحشتهم ليش رديت
شــصبح وانه بيه احســـاس جناز
وبس ريحة افـراك االتارسـه البيت
امطشر والشـماته عيونهه اوساع
يالخانك ضــحكتي شـبيك ماجيت
انه ابنادم افز لو مات عصــــــــفور
ونته بعيني الف تـــــابوت حطيت


مـــــاكـو داعــي لجـيتك والمن اجيـــت
الفات مات وشوگنـــــه وحبنه انتهــــه
تشتهي تروح وتجينـــــي بمشتـــهاك
هذا ياهو مفهمك الحـــــب مشــــتهه
يالعفت ملحك على جروحي ومشيت
لا بــرد جـــــرحي ولا ملحـــــك فــهـــه


ﻃﻔﻞ ﻳﺤﺪﺙ ﻭﺍﻟﺪﺗﻪ ﺍﻟﻤﺘﻮﻓﻴﺔ ﺑﺎﻟﻤﻨﺎﻡ
________________
ﺣﺒﺴﺘﻨﻲ ﺑﻐﺮﻓﺘﺞ ﻣﺮﺕ ﺍﺑﻮﻳﺔ ﺍﻟﻴﻮﻡ
ﻭﻛﺎﻟﺘﻠﻲ ﺍﻧﻄﻤﺮ ﺳـــــﻢ ﺍﻟﻴﺴﻤــــﻚ
ﺗﻀﺮﺑﻨﻲ ﻳﺎﻳﻤﺔ ﻭﺗﺪﻋﻲ ﻭﺍﺩﻛﻮﻭﻭﻭﻭﻭﻝ
ﺭﺑﻚ ﻣﺎﺍﺧﺬﻙ ﻣﻦ ﺍﺧﺬ ﺍﻣــــــــــــﻚ


ولك بس لا صدك سويتهه وياي
ناويهه وأظــن تحمل فرگتــــي
عندي شروط أذا رايدني أنساك
تجي وتمسح خيالك من صفنتي
وتضمنلي بغيابك أغفى وأرتــــاح
وطيفك كون مايوصل عتبتـــــــي
وتهود عيوني أذا سمعوني طرواك
وأثر عطاب مايبقى بدمعتـــــــي
وترد كل ذكرياتي وعمري الضاع
وترد نسمة ضحك فگدتهه شفتي
شجاهه وما تغزر عود ويــــــــاك
ملح تارسهه ألك خايب عشرتي


احبك واعترف بس عفتك تروح
مو صوجي ولكن صوج شخصيتي
ماتقبل تذلني كبال هذا وذاك
مو شغلة تكبر هاي تربيتي


مارايح لغيرك باقي وياك
والكلك رحت جذاب لتصدكه
وما أذكر غفيت بحظن فديوم
مره . بحظن امي وهاي بالصدفه


علـــى لحــــن الدمــع نــــامت عيــــوني الليـــل
و علــــى صــــوت القهـــر فـــز الصبــح گلبــي

لا ظــــــالم بشـــــر لا قاهــــــر أحـّــــــد يــــوم
ليـــــــــش يصــــير هيــــچ ويـــاي يـــا ربــي
... ...
مخنــــــوگة الســـــوالف تطــــــلع من الـــــروح
مـا أدري إشعجـب ؟ و شصـار ؟ و شذنبــي ؟

يــــــلوموني لأن ربـّيــــــت حزنــــــي ويــــــاي
المفــــــارگ محــــــب متگلــّـــي شـــــــيربّي .

تضل ناقص عقل لو تحب مرتين
من اول مره تعثر لازم اتوب

كلب واحد بصدرك من يموت تموت
ما اعتقد عندك درزن كلوب

شمعه انت وغرامك خيط من نار
ومعروفه النهايه وياهو ليذوب

اذا مفتاح كلبك بالمحبه يضيع
انصحك من تطب لا تقفل البوب

العشك ثوب واذا ماينصح وياك
مو انت التنزعه ينزعك الثوب


تلفت دربك كثر ماروح بيه وارد
وانته بصدودك وابد ماحن دليلك ورد
رسمك ابالي ولا رسمي ابالك ورد
يازيك صد وكبر الله الجبير العلي
ولطير يصغر تره شماطار بسماه وعلى
انته شنهو الي بيك حلو وكبرانه نفسك علي
هو انتة وجهك كمر والطول غصن الورد


مثل شوك النوارس للبحر مشتاك
ومثل شوك السفن من تعشك المرسه
إذا ينسه الفجر خيط الشمس انساك

و ابطل كل حزن و أتعمد الونسة
بس اعرفها روحي شما تمر أيام
تضل تبجي على طيفك و ابد ما تنسه


تريد تزعل هيه ضلت بس عليك
روح الله ويـــاك بس كون بسبب
مـا اكلك ليش صـــدك وارتجيــك
لان دنيا العشك راوتنـي العجب
ولاترد بيوم عـــــذرك بين أيديك
مــا أريدك لــو صـرت كلك ذهـب


طبعك مو حلو وتحبك انته الناس
هم كلي حبيبي اشايل شعندك ؟
اذا خرزه شلت بزنودك الحلوات
انه احسد الخرزه الغافيه بزندك
واذا عندك بخت حقه يصير وياك
مبخوت البخت جي نايم بسدك
لامثلك كمر لانجم يضوي بليل
لاحلوه الحلاه ياناعم بكدك
لامثلك عطر لاورد لاريحان
وياشامه التجيب الشامه لبخدك
لتعلم جفوفي تكضك من الزيج
تراهه مسودنه وما تقبل اتهدك
وي كلبي اتشاقه كتله راح انساك
فز كله على حيله وكالي شحدك


مــــا أهتـــم بعــد .. مـا أصفـن لذكـراك ’’
لأن مـــن الخيـــــانة الــــــروح تتــهدّم ’’
روح أنــت و ضميرك .. يلـضميرك مــات ’’
و العنـده ضمـير مـــن الغلــط يفهــم

_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://www.anwarbghdad.com
الرجوع الى أعلى الصفحة اذهب الى الأسفل
 

خواطر شعر / حب + غزل + عتب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم البرمجيات :: أشعار وخواطر-