الرئيسيةالمجلةاليوميةس .و .جبحـثالأعضاءالتسجيلدخول

شاطر | .
 

 خواطر حب وغزل وعتاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
alomiri


مدير عام المنتدى
عدد المساهمات : 457
نقاط : 6517
السٌّمعَة : 0
تاريخ التسجيل : 15/07/2011
العمر : 45
الموقع : http://www.anwarbaghdad.com

http://www.anwarbghdad.com
مُساهمةموضوع: خواطر حب وغزل وعتاب   الجمعة أغسطس 09, 2013 2:16 am

اريد اكتب شعر لعيونج الحلوات
ومن خصلات شعرج اخذ الوانة
وع صفحات خدج اكتب الكلمات
واخذ من عسل شفتج اوزانة
ومن لونج الابيض اخذ ورقات
واكتب بل رمش يا اطيب انسانه
واصوغ من الحواجب هل عبارات
الج قلبي سفينة وانتي ربانة
كضيت عمري عايش بلخيالات
ولكيتج حب حقيقي انتي عنوانة
مسحت الدمع بيدي ع وجنات
احس شفتج انطبعت صارت مكانة
جنت اشتم ورد بس ماكو وردات
لان احمر خدودج ورد خجلانة


في هذا المساء تحقق الحُلم
تلاشى الوهم
وجئتِ كالفجرِ
أضاء ما بين صبري وانتظاري
في هذا المساء
رتبتُ لكِ طاولهً من الشوق
على محيطها زِنَارَ ورد
أوسطها شمعه
أعلاها غيمة صيف
أسفلها نهر حب
فاخلعي نعليكِ يا سيدتي
أنتِ ألان في القلب " "


حبيتك غفل مو سهلة انساك
وموبيدي احب بيد المشاعر
العواطف هية حكمت والاحاسيس
وما اكدر عليهم ليش اكابر
غايب هسة عني وفكري وياك
... بس ابكل جزء بية انت حاضر
بفركاك احس يقترب مني الموت
واحس بضلوعي كل لحضة خناجر
حلمت باجر اشوفك وانسة الفراك
عشرايام مرت وماكو باجر


ووجدتُك أنتِ سيدة الدفتر
وجه ٌ مشرق وبسمة ٌ لا تتكرر
وجدتك ِ عصفور ٌ صغير
ينام فوق أوراقي
وجدتك ِ سماء ٌ زرقاء
وغيوم ٌ بيضاء
تغزو آفاقي
وجدتك ِ روحا ً ينبض بها قلبي
وتتسلل إلى أعماقي
وجدتك ِ عصفورا ً يهرب من عتمة الليل
لينام في أحداقي


من دونك أموت أذكرني لاتنســــه
تعال الزعل كله يخلص بلمســـــه
أحبك وأعترف بس أنته كل دنيــاي
ومن عندك أذوب وأنتهي بهمســـه
سفينه بنص بحر تعبني حيل الموج
أغرك لوغبت يالجيــتك مرســــــــه
جذاب اليكَلك غيري حبـــك مـــوت
أحبك من كبل صدكني موهســـه
وتعبت أهواي لجلك موتعب يومين
صعب درب الهوى ماينفهم درســه
من تـــروح سالـــم من ترد أفــــداك
وأذا تنســــه محـبتي انه ماأنســـه


أحن اللمستك والضحكتك اشتاك
واطير ويه النجم لمن تشاقيني

اوزن كل كلامي وخطوتي ويه الغير
و بس وياك تختل كل موازيني

أحتاجك دفو لو حته ويه الصيف
احتاجك حنان وحب تغطيني

ولو جوه الشمس والحر يموت الناس
انتضرك تجي بشمسك تدفيني


عشرتي وياك صارت كلهه حسرات.....
مثل حسرة الشاعر بالقصيده...
الشاعر يكتب البيـــــــت الي يأذيه.....
والجمهور يصفك ويكُله عيــــــده....
من اكتب جروحي قصدي اكلك ليش.....
حكمته بسجن كلبي وبابه سديته...
وانته بلا مشاعر تكتب الاااااااااااااايك.....
وتعلق عاشـــــت ايدك شلون سويته


على كيفك اشوية اجروحي ملتهبات
فـــوك اجروح كلبي انوبة تجرحنـــي
ماردتك جــرح ردتك دواية اتصيــــــر
اذا تبقى جـــرح ماريدك اعذرنـــــي


زرعت الروح ورده بحبك من اسنين
وجنت اذبل وموت وانت تحيني
رويت ايام عمري من الحنان البيك
واحس دمعات عينك هي ترويني
ليش اسنين عمري حلوه بس وياك
لان اصلك عسل وانته تحليني..!!


صح تفاركنه .. بس بعدنـي اتخيـلك ويــاااي
واسولفلـك علـى جــروح الوكــت بيــة
واحضنــك حيـــل احضنــك وانـت ماموجود
والمــك يـا عســل وتـذوب بيديــة
واكلـه لكلبـي راح , صدك راااح فلان؟
وعلـى هالحالــة اظـل ويـاك. يـومـيــه
لا بيــة اعوفــك مــن صــدك وانســااك
ولاا بيــة اتـانــي وانتظــر جيـــة
اصـبــر روحــي بعــدك والـعمر خلصان
جــرح يلجـم جــرح ونكول مكضيــه


تعال بصدري اضمك ياحبيبي شبيـــك
بلكي بصــدري اخفف هايه وناتـــــك
احسك انته بيه واني عايــــش بيـــك
واحس دگات گلبي تحاچي دگاتــــك
اذا تذبـل عيونك فدوة الك هالعيــــن
واخذ عيوني الك وانطيني مالاتـــك


ليش تگلي احبگ وانته مـــــا حبيت
وانه شگد غشيم وصدگت حبـــــگ
جنت ابعيني اشــــوفگ اجمل من الكون
ثاريه القناع الخـــــــافي بيه وجهگ
دور الحب لعبته ومثلت ويــــــاي
گـــــافي الدور خلص انزع اقنعتگ
اوراقك انگشفن وبين المستـــــــور
وجنت انـه الضحيه بهـــــاي سالفتگ
باجر قصه تنزل تطرب القـــــــــــــــراء
وانته تصير گـــــــــــاتب تنتشر قصتگ
وانه اگتب قصيده بدمع هــــاي العين
واگتب يا حسافه شلون مـــــــا عفتگ
گون امسح الماضي وگلشي مــا مرغوب
أول شــــــــــي امسحه ايام معرفتگ


عســل دمــك حبيبــي وحيـل محبــوب
مــن أول مــره شفتــك آنــي حبيتــــك
شـوصـفـك يغـالي وإنت شمـس الكون
حلـو كلـش حـلـو ويـامحلى شخصيتـك
صــرت مـجـنـون حبـك ومـيـت علــيــك
... وإنـطـيـتـك التـــاج ومـلـك سـمـيـتـــك
شــلــون تـريــد أعـوفك واصبـر بليـــاك
وأنــا كـلـبـي فـتـحـتــه وبيــه خليـتـك
لا تســأل حبيبي شلون أحبـك وليـش
أحبـــك لاتـكـلـي شـلــون حـبـيـتـــك


ﺗﻜﻠﻲ ﺍﻟﻨﺎﺱ ﺿﺎﻳـ ﺝ ﺧﻴـﺮﻙ ﺷـﺒـﻴﻚ
ﺳﺎﻛﺖ ﻣﺎﻛﻠﻬﻢ ﻭﺍﺣﺠﻲ ﻋﻦ ﻫﻤﻲ
ﻣﺎ ﻳﺤﺘﺎﺝ ﺃﺳﻮﻟﻒ ﻫﻮ ﺷﻲ ﻣﻌﺮﻭﻑ
ﻭﻳﻦ ﺍﻟﻜﻪ ﺍﻟﻔﺮﺡ ﻭﺍﻟـﻐـﺎﻟﻲ ﻣـﻮ ﻳﻤﻲ...


مو هذا التـريده أبتعـد وأنساكـ
ومن وعدكـ أحلكـ وامنحكـ فرصه
يم أخر محطه وكف ريل الشوكـَ
وأخر سطر كَلته وخلصت القصه
مرخوص الكَلب لو كَال راح أنساكـ
لازم يبتـعد ومـا يشـعر بـرخصه
ترى غالي الكَلب ولا أبد لا مايهون
وموضوع العشكـَ للموت ما يخصه
محيت اسمكـ أنا من سجل المحــبين
وما يرجع بعد زاد الكَـلب حرصـه
مو قصدي اجرحكـ لا أبـد والله
بس جرحي كبر والكَلب بيه غصه
مو هذا التـريده أبتعـد وانساكـ
ومن وعدكـ احلكـ وامنحكـ فرصه


صبر كلبي ﺧﻠﺺ ﺑﺲ اﻧﺘﻪ ﻣﺎ ﺣﻨﻴﺖ
ﻭﺃﻧﻮﺍﻉ ﺍﻟﻘﺼﺎﺋﺪ ﺍﻟﻚ ﺃﺭﺳﻠﻬﺎ
ﺑﺲ ﺭﻛﺰ ﻭﻳﺎﻱ ﻭﺃﻗﺮﻩ ﻫﺬﺍ ﺍﻟﺒﻴﺖ
ﻫﻮ ﺍﻟﻴﺤﺐ ﺭﻭﺣﻪ ﻳﻜﺪﺭ ﻳﻤﻠﻬﺎ...؟؟


مـا الـحــك اشوفـــك واسـتلذ بـيـك
سريـــعــــه تـمـر غـفل لـحضـاتـي وياك
مثل وكـــت الصيـــــــام بهاي الايام
بس نفطر يصيـــــح الجامع امساااك .


حلم بس يـاحلم بي أنت موجود
أحلى من الحقيقة هواي حسيته

ومن كَد مـاشفت بي راحة ويـاك
أكثر من حيـاتي الحلم حبيـتـه


مرات البشر بعيونه حجيه ايصير...
موكل السوالف واضحه ابصوته...
التماثيل ابطبعها الخرس والصفنات...
تحجي اشكد معاني وهي منحوته


مرات البشر بعيونه حجيه ايصير...
موكل السوالف واضحه ابصوته...
التماثيل ابطبعها الخرس والصفنات...
تحجي اشكد معاني وهي منحوته


من كلمة احبك تبتعد ليش
وأدري شلون تفرح لمن احجيهه
بس كلي السبب من عندي لوبيك
إذا آني الغلط صدكني ألغيهه
ولتكلي أستحي من كلمة الناس
هو آني الأحب الناس شعليهه.

_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://www.anwarbghdad.com
الرجوع الى أعلى الصفحة اذهب الى الأسفل
 

خواطر حب وغزل وعتاب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم البرمجيات :: أشعار وخواطر-