الرئيسيةالمجلةاليوميةس .و .جبحـثالأعضاءالتسجيلدخول

شاطر | .
 

 حب وغزل وعتاب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
alomiri


مدير عام المنتدى
عدد المساهمات : 457
نقاط : 6517
السٌّمعَة : 0
تاريخ التسجيل : 15/07/2011
العمر : 45
الموقع : http://www.anwarbaghdad.com

http://www.anwarbghdad.com
مُساهمةموضوع: حب وغزل وعتاب   الجمعة أغسطس 09, 2013 2:37 am

صح تفاركنه .. بس بعدنـي اتخيـلك ويــاااي
واسولفلـك علـى جــروح الوكــت بيــة
واحضنــك حيـــل احضنــك وانـت ماموجود
والمــك يـا عســل وتـذوب بيديــة
واكلـه لكلبـي راح , صدك راااح فلان؟
وعلـى هالحالــة اظـل ويـاك. يـومـيــه
لا بيــة اعوفــك مــن صــدك وانســااك
ولاا بيــة اتـانــي وانتظــر جيـــة
اصـبــر روحــي بعــدك والـعمر خلصان
جــرح يلجـم جــرح ونكول مكضيــه


ماجفينه
خاف يوم اتكول ماعنده وفه
وخاف يوم اتتعاتب اعتاب الذليل
وتطلب الغفران مني
وما اسامح
روحي وكحه وماتسامح لليعيل
وما احب من راد يلعب بالظمير
وما اريد الخان عشره
ولا ذكر ذيج الموده
وعنده حب الناس لعبه
ايدير وجهه لو لكه واحد بديل
عيب حب المصلحه
وفشله للخان الموده اتصالحه
نحسبه مثل الميت عدنه
ولابعد للروح يدنه
هذا طبعي ما احب غير الاصيل
ولا اساوم عل الظمير
وعندي احجاية احبك مو لعب
وعندي كفره اتصير جلمات الجذب
وما ادور كل غلب
ومن احبن قبله عندي ايصير لوحبن خليل
عزلينه
وخلص عدنه الشوك للخاين نبيع



ولك بس لا صدك سويتهه وياي
ناويهه وأظــن تحمل فرگتــــي
عندي شروط أذا رايدني أنساك
تجي وتمسح خيالك من صفنتي
وتضمنلي بغيابك أغفى وأرتــــاح
وطيفك كون مايوصل عتبتـــــــي
وتهود عيوني أذا سمعوني طرواك
وأثر عطاب مايبقى بدمعتـــــــي
وترد كل ذكرياتي وعمري الضاع
وترد نسمة ضحك فگدتهه شفتي
شجاهه وما تغزر عود ويــــــــاك
ملح تارسهه ألك خايب عشرتي


سولف وي صوركم لمن أشتاك
وأتخيل وأگول وياي يحجون
وأرد بهمس أحجي أوية ألحياطين ..
يمته إمن ألصور كلهم يطلعون
أنة أشتاگيت بس ألشوك وألله ..
شوك خدود تنطر دمع ألعيون ..
عشت وألمن أعيش بدنيتي هاي ..
وآني بگبر فركة نفس مدفون ..
إعلة درب أذني ولا مريتو فد يوم ..
وأذني متانية وتسأل بالجفون ..
محد شافهم محد سمع صوت ..
بلكي بطيف عاشك صدفة يلفون ..
إذبلت مثل ألورد بس ألوضع جان ..
مثل آخر جگارة وبيد مجنون ..
ألتهيت إبكلشي ناسي أيامكم ذيج ..
وأگل للناس عيب أنساهم إشلون ..
كتبت ألكم قصيدة لخاطر ألناس ..
خاطر بلكي من أحجيهة يبجون ..
أگلكم جذبت وألجذب مكروه ..
ألجذب محبوب بس عند أليجذبون


مو عيب اليحب لا مو حرام الشوك..
بس عيب وخزي لليوگــــف بدربه؟؟
گالولي ابتعد دربك تره مســـدود..
بأسلاك وحواجز والطرق صعبــــه؟؟
گلت اعبر واجازف واليصير يصيـــر..
اخسر دنيتي وما اخسر الصحبـه؟؟
انه معاشر وفي ماعاشرت بـذات..
ذاك الينسحب من تخلص الرغبه؟؟
رادوني اعوفك گلت لا هيهــــــات..
شلون يصير واحد يغدر بحبـــــــه؟؟
صرت سلاح بيدك والعدو مرعــوب..
وانت سلاح اليه وراس للحربــــــه؟؟
لايهمك كلام الناس واليحجــــــون..
خلها الناس تحجي ابعاد والگربــه؟؟
مجنونه الخلك يردوني انه انــساك..
مايدرون گلبي ينبض بگلبـــــــــــه


اريدك للنهاية تكون وياي
وكون وياك تخلص كل حياتي
اغار عليك حتى من الهوى الهاب
سوى صارن صفاتك وي صفاتي
العمر وياك يحله ويصبح اعياد
كضيت وياك اجمل ذكرياتي
الناس تتمنه ذهب لو مال
وضحكتك يا حلو كل امنياتي


مسحتك من حياتي وانتهى الموضوع
وبـعـد مـاديـــر بـــال وابـــد مـــااهـتــــم
لاتـرجـــع بـعــد وتـكلــي هــم نـدمـــان
ميفيــد النـدم تـدري المسـح قـد تـــم
تـطشـرنـي اعله كيــفك وكـت مـتريـــد
...وكـــت عـوزك تـريـد انوب هـم الـتـــــم
تـفـرح من اغـيـب وعـرس جـنه يصيـــر
وانـه بـغيـبـتـك انـصـب الـك مـأتـــــــــم


مو لعبة وعبالك بدوسة تنهي الداس
من تخلص لعبتي ادوس عالتالـــــــي

شوف التالي هسة وشوف بيك شصار
تتوســل اســمــعك حتى تـــــقرالـــي

وآنه الخلصان كَلبي ومو بس خلصان
من حـوكَ الســوالف حايــــك إزوالـــي

تغلط .. تعتذر .... مليت الموال
كافي وخل اسـمعك مـرة مـــوالــــي

شفتك تغرك انته ومارميت إحبـال
أدري اول متطلع تكَطع إحـــبــالــــي

ماريدك بعد تحلم اسولف بيـــك
وعلى امثالك چذب ما اضـرب امــثالي


ﺗﻜﻠﻲ ﻟﻴﺶ ﺷﻌﺮﻙ ﺑﺲ ﻋﺎﻟﻔﺮﺍﻙ..
ﻭﺍﻗﻼﻣﻚ ﻟﻴﺶ ﺗﻜﺘﺐ ﺑﺲ ﺧﻴﺎﻧﺔ
ﺗﺮﻳﺪ ﺍﻛﺘﺐ ﻏﺰﻝ ﻋﺎﻟﺤﺐ ﻋﺎﻻﺷﻮﺍﻕ
ﻳﺎﺣﺐ ﻫﺬﺍ ﺍﻟﻲ ﺻﺎﻳﺮﻟﻚ ﻣﻬﺎﻧﺔ
ﻳﺮﻳﺪ ﺍﻛﺘﺐ ﻋﻠﻰ ﺍﻟﻤﺤﺒﻮﺏ ﻳﺎﻧﺎﺱ
......ﻳﺮﻳﺪ ﺍﻛﺘﺐ ﻋﻠﻰ ﺍﻟﺮﺍﺡ ﻭﻧﺴﺎﻧﻪ
ﻳﺮﻳﺪ ﺍﻛﺘﺐ ﻋﻠﻰ ﺍﻟﻲ ﺧﺎﻥ ﺍﻟﻜﻠﻮﺏ
ﻭﻳﺠﺮﺡ ﺑﻴﻨﻪ ﻣﻦ ﺑﺎﺏ ﺍﻟﻤﻴﺎﻧﺔ
ﻳﺎﺣﺐ ﻳﺎﻏﺰﻝ ﻭﻟﻚ ﻋﻮﻓﻨﻲ ﻭﺭﻭﺡ
ﻭﺧﻠﻲ ﺍﻟﺸﻮﻙ ﻟﻠﻴﻀﺤﻚ ﺯﻣﺎﻧﺔ
ﻣﻮ ﺍﻧﻲ ﺍﻟﺪﻣﻮﻉ ﺍﺗﻨﺎﻡ ﻭﻳﺎﻱ
ﻭﺻﺪﻛﻨﻲ ﺍﻟﻔﺮﺡ ﺭﺍﺡ ﻭﻧﺴﺎﻧﺔ


ما اعوفك بعد ماخذ عهد عالـــروح
وقابـــــل لــــو حطب للنار ترميني
اتنفس هواك بزحمــــة الدخـــــان
واكول هم يحن كلبة ويطفينـــــي
موثوب وينزعك جسمي حتى ارتاح
ولا كـــــل يوم طبعي بثوب تلكيني
احبك مدري ليش وليش مدري شلون
ولاجويات نيرانـــــك تطــــــــفيني
ما كمت ادور عزة نفس ويــــــــاك
بس ينجاب طاري اسمك يبجينـي
زينتك ضوة وصارت عليك العيـــــن
وحرامية العشك ترست بساتيني
وانة بغير حبك صدك ناقص ديـــن
احبك واريد اكمل وياك نص دينتي


رد الحالتك ياكلبي وانسه الصار
مشتاك الضحكتك والله مفتقــــــــــدك
موكافي حزن موكافي عاد دموع
ياكلبي اليحبك عافك لوحــــــــــــــدك
لاتنزف بعد بطل تحب وارتاح
حلو يعني الدمع من يجرح بخـــــــدك؟؟
ياكلبي اليحبك خله بيك جروح
ولزم كل ذكرياتك بيهن يجلـــــــــــدك
عنك ماسأل ماكال يمكن مات
ولا هزه الحنين وحاول ينشــــــــــدك
هو العذبك هو الجواك وراح
اي ليش شبيك المن توفي بوعـــــدك؟



تعال انسى الزعل وانسى الگلت والگال
وخلينا نعيش بلا مشاكل
صير انت بمكاني وقرر شمتريد
وشتقرر حبيبي اني قابل
تدريني ضعيف گبال زعلك ليش
علي زعلان وتبيع المراجل
فخر مالك تصد عني ولا مقبول
تتعذر علي عندك مشاغل
وأنا لاجلك عفت يما عفت اشغال
ولاگتلك حبيبي بيوم باطل
بسبب حبي الك سموني مجنون
وتدري أني حبيبي شكثر عاقل
خلينا نتعاتب كافي البعاد
والغلطان ينطي شوي تنازل
ومو عيب التنازل بين الاحباب
بس عيب الزعل عيب التحامل
تعال انسى الزعل خلينا ننسى الراح
وأبدي وياي صفحة من التفاؤل
ألف مرة غلطت ..................ومرة غلطت وياك
يبن الناس احسبهه تعادل
حبيبي ارجوك خلي نصفي الگلوب
ونعيش أثنينا بحب وتواصل
أنا أبعدك مصيري الموت محسوم
مثل زرع بحلگ فوس ومناجل


مثل شوك النوارس للبحر اشتاك
ومثل شوك السفن من تعشك المرسه
اذا ينسه الفجر خيط الشمس انساك
وابطل كل حزن واتعمد الونسه
اعرفها روحي شما تمر ايام
تظل تبجي على طيفك وابد ماتنسه


وسط كلبي كتبتك حته ماانساك
ونقشت احروف اسمك جوه بعظامي
وصرت انت اشوفك يعني انت وياي
موجود بيقضتي حته بمنامي
عليك اعلن حرب لو مره عني اتغيب
ومجرد بس اشوفك اعلن سلامي


أريد أفهم حبيبي شبيك زعلآن
وعلي تدلع وصآير انآآآني
ولگ أنت جبل بعيوني آلآثنين
وكلآم اليجرحك مايلفظه لساني
اريد نعيش احلى ثنين بالكون
اغنيلك حبيبي وانت الحاني
ولك كافي زعل خلينا مرتاحين
هم البيه منـــك حيل اذاني
تعال اكعد اشمك من طرف وجناك
وبوجه العـواذل كول تهـواني
انا المنك وبيك ومستحيل انساك
شلون انساك وانت القاصي والداني
أذكر مره كتـلك للابد باقيـن
وتوصفني بكلامك زايح احزاني
ولك كافي بعد ماترجم اللي صار
اريدك انته تفهم قصد عنواني
بس اوعدك هسه بآقي ويآك
واذا تخليت عنك هذا مو اني
لان اني بمحبتك صبح وي ليل
ادعي الله حبيبي تكون جيراني


ترة الفاقد حنان يجازف أهواي
المهم يلكة حبيبة ألي يريدة
غزالة تحب فهد ما فكرت بالموت
المهم شافت حنان بلمسة أيدة


سد باب العشك لا تفتحه مهما صار
أظل بلا عشك أنا أعتقد أرحم ..

ولا أحسب جروحي العدد بالميات
أخاف أغلط بعدهن وأرجع أتندم ..

يلعلمت قلبي عالحزن و النوح
ومن طعنات أيدك ما بعد يسلم ..

أخذ دفتر عشرتك شوف حالي وياك
ما تلكه الفرح تلكاه بس أظلم ..

بس رجعلي قلبي فدوه حتى أرتاح
من جرحك بعد ما ريده يتألم ..

جنت بشفاك أضوكآ عسل وي جكليت
ما أدريك حيه بشفتك الكه السم ..

شكد علمني حبك عالقهر و الظيم
وهم أغلط وحبك وأرجع أتعلم ..

ما أحجيلك أنا عالجره و الصار
جرحي بدالي هسه الصار يتكلم ..

ما جنت أعتقد تهجرني أنت بيوم
و حلمي الي بنيته بلحظه يتهدم ..

خل أسلم بروحي وبتعد ونساك
وأظل بلا عشك والله أعتقد أرحم ..


اعذروني فاض همي .. واشتكى قلبي وناح
اعذروني لا تلوموني .. بياض الشيب لاح
عقب خلان الشدايد .. عطرهم بالمسك فاح
عقب ما زانت ليالي .. وارتوينا بالجراح
يا طيور الوقت نوحي .. لا تغني بارتياح
ضاقت الدنيا ومالي .. في مغانيها مراح
غير ساحات المعارك .. ما لقى قلبي انشراح
اعذروني يا رفاقة .. يوم فاضت بي هموم
اعذروني لا تلوموا .. ضاق صدري بالغموم
من يلوم اللي غريق .. في بحوره ما يعوم
من يلوم اللي كسير .. غيرت حاله سكون
آه يا دنيا العجايب .. كم تساقينا سموم
طير طاير وش علامك .. في السما دايم تحوم
طير طاير مرحبابك .. كان في صدرك علوم
اعذروني يا رفاقة .. عقب شديت الرحال
اعذروني لا تلوموا .. سال دمع العين سال
سالت العبرات مني .. في كنين الهم جال
ما على الدنيا حسوفة .. عقب ميدان القتال
ما على الدنيا حسوفة .. يا صناديد الرجال
سعد من نال الشهادة .. من نعيم الخلد نال
في جنان الخلد داره .. يكرمه رب الجلال
في جنان الخلد يسرح .. مع رفيقات الدلال
يهتني بالحور دايم .. يهتني باحلى وصال
لو تمنى ما تمنى .. من نعيم الخير طال
سعد من نال الشهادة .. سعد من وفى ونال

_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://www.anwarbghdad.com
الرجوع الى أعلى الصفحة اذهب الى الأسفل
 

حب وغزل وعتاب

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم البرمجيات :: أشعار وخواطر-