الرئيسيةالمجلةاليوميةس .و .جبحـثالأعضاءالتسجيلدخول

شاطر | .
 

 شعر عتاب وغزل رائع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
alomiri


مدير عام المنتدى
عدد المساهمات : 457
نقاط : 6517
السٌّمعَة : 0
تاريخ التسجيل : 15/07/2011
العمر : 45
الموقع : http://www.anwarbaghdad.com

http://www.anwarbghdad.com
مُساهمةموضوع: شعر عتاب وغزل رائع   الجمعة أغسطس 23, 2013 5:43 pm


راح احبك من طرف واحد نويت.....
حتى اني وياك ميمرنه الزعل؟
وحتى باجر لو رحت عني ومشيت......
ما يسالوني واكللهم رحل؟
وحدي بيني وبيني قصة حب اعيش......
ما اكلك خاف يمنعني الخجل؟
وخاف اكلك واكتشف عندك حبيب....
ليش اجازف وانهي قصتنا بفشل؟
والله شو مرتاح احس خليني هيج......
ما تجيني جروح منك عاالاقل؟
وحتى بالفركه شخص واحد يموت....
هوه نفسه الجان عايش عالامل؟؟؟


طويناها صفحتك ونتهه الموضوع
فعل ماضي صفيت وخلصت المده
اشتتوقع ابوس اجدامك من تروح
واسحك كبريائي واطلب النجده
صح جدمي عثر من شفت طولك لاح
لاكن مانخيتك من طحت عمده
توجيت اعله جرحي وماطلبت العون
لان ادري اليطيح اجفوفه لتسنده
صح الكمر اكبر ونجوم ازغار
بس تحله السمه مو بالكمر وحده
واذا ساكت تره مو لان ماكو السان
مرات الصمت من الحجي ابده
وجف المايصافح جفك بالحساس
لا تعتب عليه وتنتخي بزنده
من اكتب شعر لاتعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعهه العين لورمده
روح بلا وداع وكل اثر ماريد
اليكتب علرمل يعرف قدر كتبه


اوكف يازمن لاترحل ارجوك
وين الكه الاحبهم عفيه دليني
عندي وياك كلمه وكلمه عتاب
ليش اصحابي همه الذبحو سنيني
اوكف يازمن لا تنطي الاعذار
جثه بلا هويه شلون ترميني
باعوني الاحبهم يازمن وتشوف
واني شكد فديتك مره دفديني
ردتك من تضمني تضمني بالعين
ومو دمعه رخيصه بسرعه تبجيني
ردتك عون اليه تصبر الروح
ماردتك حبال تجتف ايديني


انه روحي ربابه ابوني تسمع ناي
وتر عودي جرح والدمع يعزفهن
انه مرصع حزن بس حزن كلش خام
ونواع البواجي امنبجي اطلعهن
انه دربي كبر لا مايشبل اثنين
ترهملي صعب ورهملك اصعبهن
والله اتعبك حيل اذه دور وراي
انه ذني وراي ابعيد شامرهن
ارجعلي مسافت عمر شايب كون
اذه اضيع شبابك يله تندلهن
تسولف عل ورد وين الترافه البيك
يم فراش توكف انته تخنكهن
جم كلمه حفضت رايد تكض ديوان
جلماتك هذني ابكلمه اركضهن
تعرفني منسولف احجي عل كبان
شيوخ ابحجي تلكه ابحسجه اعكلهن
قست نفسك ابكدي شو تعال اهنا
ومالاتي علي خايب تطكطكهن
نعبرهن يطيحن..تعبر انته اتطيح
ميعبرن علي جا كوه اعبرهن
لو تبني سمه وتصعد عله الغيم
وتكض النجم تلكاني ابعدهن
انه زارع جبل محصولي رفعت راس
امتون الكاع انه ابثكلي هادلهن
منزمخ بيك اطيح منك اجلود
جم لون البوجهك كله اطلعهن
مندك صدري مواقف اترس الكاع
لا تنفخلي صدرك ذني دكمهن
روح ازرع ثلج بلكت يخضر ماي
ماتكدر عليه انطيك اسهلهن
دورلي نهر علجرف تمساح
ماياكل سمج كاعد يغازلهن


شبيك صدكت اكدر عالفراك
و ما أشوفك بعد كل عقلك انت
صوتك بيه روح .. اتصور الحال
ترد روحي لو صوتك سمعته
انه مسودن شلون ازعل عليك
الزعل يضحك عليه شما زعلته
اكابر صح جنت ما أحجي وياك
روحي اتروح يمك تحجي سكته
شجاك اتعوفني يمعود اشبيك
و كَلبي عليك يمعود فطمته
صبرت اهواي بلكت اكَدر انساك
و ماكَول انساك بس اتذكرك انت
كَمر وجهك تعال و ضيع الليل
و خلي الليل يرجف من طلعته


دفهّمني عليك بسرعه ليش اشتاكـَ
وأصيرن لو غبت عنّي بوسط حيره ...
الميت بالحلم تفسير عمره يطول
والميت عليك شلون تفسيره ؟؟؟


حيل اتعذبت بس انتَ مــا حسيت
لان بنار گلبي وگلبك البـــارد

جنت بس انتَ أشوفك ما شفت ناس
وصافن بس أفكر والذهن شــارد

وإنتَ تعيش صــافي وهادئ البال
وتشلع باب گلبي بصمتك الجـاحد

آه شكد صعب مـن تعشك انسان
وتحسه ابمحبتك يجهلك قــاصد

آه شكـــد غشيم وهيج حبيت
وادري هواي گلبك للعشك جـارد

آه من الـــدمع شككلي الخدود
آه مــــن الألم وي همي متواعد

آه شكد صعب مــن تحب باخلاص
وتعرف تالي حبك من طرف واحد


متغيـــر احســـك مــاجنــت هيـــــج
واهـــس مـاالـك لـو خربـت اطباعــك
لـــوعنــدك مصالــح جانــت ويـــــاي
وعلى كـد المصالح تعشك اطماعــك
اشيلـك لـوتظـل انـت هيـج مـن البـال
انـت وكـل غـرورك شلـع مـن كاعـــك


أذكرك بلحزن كلمايجي ألليل
وأحن وأشتاك ألك وأتعذب أوياك
وأشوفك خارطة مليانةآهات
واعيش أبغربتك وبكلبي ألكاك
أدري أنك موألي والغيري موجود
بس هي ألمصيبةأشلون أنساك


ولج بسج حزن يادنيا شلون أنه أوياج
يعني أنظل حرب مابيها هدنه
دوارة سمعت عنج يكولون§
شمالج ع فرح ما درتي يمنه§
بقينة أعلى الحزن وخاوينة الفراك§
وما ظن للوفة باقي اي معنئ§
ناس بلاسبب تجرح بالكلوب§
وأنتي ويا الضلم تمشين ضدنه§


يا أصعب جذر ياقسمة ياتربيع
يالمالك نهاية وموجب الشارة
يالنسبة لجمالك عالبشر تكعيب
وعيون التشوفك بيك محتارة
يالحيرة نيوتن جاذبيتك هاي
لان من جاذبيتك نظم افكاره


يكولون العتب لليسوه العتاب
ولأنك تسوه عندي وعاتبيتك
أنتضر ماكول غلطه تعرفت بيك
ولا ألعن اليوم البي هويتك
كلبي بيت مغلق بس لليوافون
...وخذت رخصه لحضرتك وطببيتك
على درب الشمس طلعتك وياي
وعلى درب الظلام شكد لكيتك

_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://www.anwarbghdad.com
الرجوع الى أعلى الصفحة اذهب الى الأسفل
 

شعر عتاب وغزل رائع

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم البرمجيات :: أشعار وخواطر-