الرئيسيةالمجلةاليوميةس .و .جبحـثالأعضاءالتسجيلدخول

شاطر | .
 

 شعر عتاب وغزل وحب رائع

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
avatar
alomiri


مدير عام المنتدى
عدد المساهمات : 457
نقاط : 6517
السٌّمعَة : 0
تاريخ التسجيل : 15/07/2011
العمر : 45
الموقع : http://www.anwarbaghdad.com

http://www.anwarbghdad.com
مُساهمةموضوع: شعر عتاب وغزل وحب رائع   الجمعة أغسطس 23, 2013 5:45 pm

مو هذا التـريده أبتعـد وأنساكـ
ومن وعدكـ أحلكـ وامنحكـ فرصه
يم أخر محطه وكف ريل الشوكـَ
وأخر سطر كَلته وخلصت القصه
مرخوص الكَلب لو كَال راح أنساكـ
لازم يبتـعد ومـا يشـعر بـرخصه
ترى غالي الكَلب ولا أبد لا مايهون
وموضوع العشكـَ للموت ما يخصه
محيت اسمكـ أنا من سجل المحــبين
وما يرجع بعد زاد الكَـلب حرصـه
مو قصدي اجرحكـ لا أبـد والله
بس جرحي كبر والكَلب بيه غصه
مو هذا التـريده أبتعـد وانساكـ
ومن وعدكـ احلكـ وامنحكـ فرصه



ووجدتُك أنتِ سيدة الدفتر
وجه ٌ مشرق وبسمة ٌ لا تتكرر
وجدتك ِ عصفور ٌ صغير
ينام فوق أوراقي
وجدتك ِ سماء ٌ زرقاء
وغيوم ٌ بيضاء
تغزو آفاقي
وجدتك ِ روحا ً ينبض بها قلبي
وتتسلل إلى أعماقي
وجدتك ِ عصفورا ً يهرب من عتمة الليل
لينام في أحداقي


تعال بصدري اضمك ياحبيبي شبيـــك
بلكي بصــدري اخفف هايه وناتـــــك
احسك انته بيه واني عايــــش بيـــك
واحس دگات گلبي تحاچي دگاتــــك
اذا تذبـل عيونك فدوة الك هالعيــــن
واخذ عيوني الك وانطيني مالاتـــك


مرات البشر بعيونه حجيه ايصير...
موكل السوالف واضحه ابصوته...
التماثيل ابطبعها الخرس والصفنات...
تحجي اشكد معاني وهي منحوته


صبر كلبي خلص بس انته ما حنيت
وأنواع القصائد الك أرسلها
بس ركز وياي وأقره هذا البيت
هو اليحب روحه يكدر يملها...؟؟


حبيتك غفل مو سهلة انساك
وموبيدي احب بيد المشاعر
العواطف هية حكمت والاحاسيس
وما اكدر عليهم ليش اكابر
غايب هسة عني وفكري وياك
... بس ابكل جزء بية انت حاضر
بفركاك احس يقترب مني الموت
واحس بضلوعي كل لحضة خناجر
حلمت باجر اشوفك وانسة الفراك
عشرايام مرت وماكو باجر



من دونك أموت أذكرني لاتنســــه
تعال الزعل كله يخلص بلمســـــه
أحبك وأعترف بس أنته كل دنيــاي
ومن عندك أذوب وأنتهي بهمســـه
سفينه بنص بحر تعبني حيل الموج
أغرك لوغبت يالجيــتك مرســــــــه
جذاب اليكَلك غيري حبـــك مـــوت
أحبك من كبل صدكني موهســـه
وتعبت أهواي لجلك موتعب يومين
صعب درب الهوى ماينفهم درســه
من تـــروح سالـــم من ترد أفــــداك
وأذا تنســــه محـبتي انه ماأنســـه


مـا الـحــك اشوفـــك واسـتلذ بـيـك
سريـــعــــه تـمـر غـفل لـحضـاتـي وياك
مثل وكـــت الصيـــــــام بهاي الايام
بس نفطر يصيـــــح الجامع امساااك .



يلعيونك سمه وطـول الحواجــــــب ليل
ضمني بسمه عيونك اسهر واغــــــفه

ويا قوس القزح كل ساعه اشوفك لون
ويمر مــــــــــــــــرات لونك بيه ما عرفه

طبع بينه الجرح ندعيله حتى يطيــب
الك بيه جـــــــــــــرح ادعيله ما يشفه

وتسالني شعجب ما وصفيتك يـــــوم
وانه الحاير بظلك لـســـــــــه مموصفه

يبو صوت اليغرد يا ســحــــــــــــر فيروز
لك اجمل لـــحــن بشــــــــفافك تعزفه

تلتف اعله طولك كل نجــــــــوم الليل
ويجي ينام الگمر متوسدك صــفــــــه

كل اصبع بجفك يضوي شمعه بليــــل
وكل خصلة شعر من كذلتــــــــك عفه

اذا بميزان انته وكل حــــــــواري العين
ما ظنن لغيـــرك تنـــزل الكفــــــــــــــه

احلى من العسل بالشفه من تنظاك
ومرح مثل النسيم ودمك شخـفـــــــه

شمس الله واكبر نزلت اعله الكــــــاع
اجت يمك حبيبي تريد تتدفـــــــــــــــه


انسه جرحي القديم الجان وياك
عندي جروح جدد خلي اراويـــك
اولهن جرح من شفتك ويـــــــاه
ويكلك احبك محتفل بيــــــــــك
ومن يلعب بشعرك مثل الاطفال
وانتة اتكله حاير بيش اجازيك
مو نفس الحجي اللي كلته وياي ؟
وجنت اتبوس ايدي بيوم احاجيك
جنت ابكلبي احسك بس حرامات
هسة بجفي محبس ما اخليك
مو وكت اعتذار اتكلي ندمــــان
وجاي بكل صلافة اتكلي اراضيك
ارجع للجنت تحسبله نــــظرات
تـــندل بـــطـــــريقك لو ادليـــك
شيفيد الندم يل نـــاكر الطيب
تجرحني وتكلي اليوم اداويك
ما أأمن بعد خليني مـــجروح
جروحي عزاز ثق ما اكدر انطيك


من بعدك ضعت والدنيه صغرت حيل
وأحس أنكسر ظهري بيوم فاركتـــك
عرفتك من رحت ما ألك نيــــــه تعود
وأقشمر روحي كاعد وأنتظر جيتـــك
شفتك بالحلم فزيــــــــت أدور عليك
نسيت آني صحيــت وبالحلم عفتك
أعاين بالوجـــــــــــوه وأنت ماموجود
مامعقوله يمـــــــي وآني ما شفتك
شلتك بالكلب يوم الجنت موجــــود
ودمعه بالجفن يوم الرحت شلتــــك
ماردتك دمع وتسامر الخــــــــــــدين
أنه عون وذخر بالدنيه لـــــــي ردتك
وحشه البيت بعدك أرجع أترجــــــاك
وحشني بيك كولشي حته سالفتك
ولو أدريها جيتك جيــــــــــت مودعين
جنت عله ا?قل هميـــــــت ودعـــتك
ما أدري غفل عن عيني راح تـــــروح
ويخلص بالعجل ماجنت أظن وكتـــــك"



يمته اشوفك؟ مو صرت كل ساعه اموت
خلي اشوفك حتى اموتن للأبد
يلّي من روحي خذتني وما دريت
كُلي لو لاكيتك شتاخذ بعد...؟؟
اعز من المال حبك... والبنون
وفدوه الك من تصدك وياي بوعد
وذني زينة كل بشر في هالحياة
وانت يا مال اعز منك...؟؟ يا ولد؟؟
ومر على هذا البلد ضيم ودمار
وجيه عيونك بيها منصابت حسد
واعتقد لو جنت واكف عالحدود...
ابد ما مر كل دمار بهالبلد...!!


من رحت ليهسة متلهف عليك
أقنع روحي أكولن والله عفته
أنت بعيد عني وكلش بعيد
اليسألوني اكلهم هسة شفته
رسايل عندي مو منك قديمات
أراويهن وكلهم منك أنته
أقشمر روحي لابية يشمتون
شكلهم وانة كاس جفاك ظكته
لو اكلهم نساني وصار للغير
فشلة اليشتريك بسرعة بعته


عرفتك من ا?ول رايد تـــــــــروح
وجنت ادري بعشرتك مو طويلة
روح مودع الله ويـــــــــــاك لتعود
وعلى فراكك بعد مابيدي حيلة
وابد ماراح اكلك ابـــــــقى وياي
حياتي بغيبتك مو مستحيــلة
... بس اكلك شي قبـل متروح
بعتني أبيش موجنهــة قليلة؟


تدري شكدأعزك والقلب يهواك
أحبك مثل آدم من يحب حوى
طبع قلبي ترف مايحمل اللجمات
ومرات يتسودن حيل من يهوة
أذاعينك بحيرةورمش عينك سيف
من يعطش دليلي شلون يتروه
شيفيد العمرلوماأعيشه وياك
حياتي بلايه حبك والله ماتسوة
تدري الكمرينشاف بس من فوك
بس انت كمرمن فوك ليجوة


رد لحالتك ياكلبي وانسى الصار
مشتاك لضحكتك والله مفتقـــدك
موكافي حزن موكافي عاد دموع
ياكلبي اليحبك عافك لوحــــــدك
لاتنزف بعد بطل تحب وارتاح
حلو يعني الدمع من يجرح بخدك؟؟
ياكلبي اليحبك خله بيك جروح
ولزم كل ذكرياتك بيهن يجلــــدك
عنك ماسأل ماكال يمكن مات
ولا هزه الحنين وحاول ينشـــدك
هو العذبك هو الجواك وراح
اي ليش شبيك المن توفي بوعـدك!!


كون حبك مــــــو عشگ هذا الزمان
كون حبك مال اهـــــلنة الاولــــــي
وكون گلبك ما يــــدورلي مكــــــان
كون گلبك يا حبيبي كلة الــــــــي
وكون عمرك ما تحس لحظة بأمـان
...اله بحضاني تذوب وتنــــــــجلي
وكون شخصك ما يهم بشخص ثان
بس اريدك كون بية تبتــــــــــــلي
وكون كلك عاطفة ولهفة وحنـــــان
حتى احسن بيك من عندي وإلــي
...وكون دنيا تصير من روض وجنــان
وكون اشوفن بيك كل ناسي وهلي
اني مِبحر من زمن كنا وكـــــــــــان
وهسة اريدك يا حبيبي ساحـــــلي

_________________
[ندعوك للتسجيل في المنتدى أو التعريف بنفسك لمعاينة هذه الصورة]
http://www.anwarbghdad.com
الرجوع الى أعلى الصفحة اذهب الى الأسفل
 

شعر عتاب وغزل وحب رائع

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: عالم البرمجيات :: أشعار وخواطر-